Shumë zviceranë kanë një punë të dytë

Gjithnjë e më shumë zviceranët punojnë më shumë se në një vend pune.

Në dy dekadat e fundit përqindja e punëtorëve që punojnë më shumë se një vend pune është rritur ndjeshëm. Kështu thonë shifrat e publikuara nga Zyra Federale e Statistikave.
Shifrat e fundit tregojnë se trendi vazhdon pa u pakësuar.

310.000 qytetarë të Zvicrës vitin e kaluar kishin më shumë se një punë. Sidomos gratë dhe personat me nivel të lartë të arsimimit shpesh punojnë në disa vende pune.

Shifrat tregojnë gjithashtu se një e treta e personave që bëjnë një punë të dytë janë të punësuar 100 për qind.

“Ky nuk është një zhvillim i shëndetshëm”, tha Pepo Hofstetter nga UNIA.

Veçanërisht janë prekur punëtorët në sektorin e shitjes me pakicë dhe në pastrim.

“Shumë njerëz do të donin të punojnë më shumë për shkak se ata nuk fitojnë mjaft. Prandaj, ata marrin punë të dytë dhe të tretë”, thotë Hofstetter.

Për George Sheldon, profesor i tregut të punës dhe ekonomisë industriale në Universitetin e Bazelit, duhet të analizohen motivet dhe rrethanat pse njerëzit marrin një punë të dytë.