Shumica, për fond shëndetësor unik

Iniciativa “Për një sigurim shëndetësor publik” kërkon që për të gjithë të jetë në dispozicion vetëm një fond i përbashkët i sigurimit shëndetësor sa i përket sigurimit bazik

Në rast se do të votohej sot për arkën e përbashkët (unike) të sigurimit shëndetësor në Zvicër, 65 për qind të zviceranëve do të votonin në favor dhe vetëm 28% do të ishin kundër. Sipas “monitorit të Shëndetësisë, kjo shumicë është arritur sepse ithtarët e arkës unike aktualisht janë më të mobilizuar se kundërshtarët.

Iniciativa “Për një sigurim shëndetësor publik” kërkon që për të gjithë të jetë në dispozicion vetëm një fond i përbashkët i sigurimit shëndetësor sa i përket sigurimit bazik. Kjo nënkupton që arkat private shëndetësore të tërhiqen nga tregu i sigurimeve obligative bazë dhe të përqendrohen vetëm në sigurimet plotësuese. Për këtë iniciativë janë angazhuar më shumë Partia Socialdemokrate dhe Të Gjelbrit.

Nga ana tjetër, një shumicë e madhe e të pyeturve nga instituti për hulumtimin e opinionit publik gfs  me porosi të shoqatës Interpharma janë treguar të kënaqur me sistemin shëndetësor të Zvicrës. 76 për qind të të anketarve kanë thënë se janë të kënaqur me këtë sistem. Me këtë përqindje është tejkaluar përqindja që konsiderohej më e larta deri më tash, 68% e arritur në viti 2008.