Sot Komiteti i Parlamentit Europian voton për heqjen e vizave për Kosovën

Komiteti për Drejtësi dhe Liri Civile i Parlamentit Evropian (LIBE) sot, më 18 prill, ka në planin e ditës votimin e heqjes së vizave për kosovarët, përcjell albinfo.ch.

Votimi parashihet të ndodhë rreth orës 12:00-13:00.

Ky votim do të ndodhë pas atij të LIBE-s më 23 mars, ku u miratua përfundimisht liberalizmi i vizave për Kosovën.

Më 9 mars Këshilli i Ministrave të BE-së ka votuar pro liberalizimit të vizave për kosovarët.

Pas hedhjes në votim edhe në PE, hapat e mbetur për këtë proces janë: Akti ligjor duhet të nënshkruhet nga përfaqësuesit e institucioneve të BE-së, i cili do të nënshkruhet më 19 prill.

Vendimi duhet të publikohet në gazetën zyrtare dhe Liberalizimi i vizave hyn në fuqi në afatin e dakorduar nga 1 janari i 2024-së.

Kosova mbetet i vetmi vend në Ballkanin Perëndimor dhe në Evropë që nuk gëzon liberalizimin e vizave, edhe pse i ka plotësuar kushtet para disa vitesh. Një rrugë e cila ka nisur 12 vjet më parë ende nuk ka përfunduar.