SVP po planifikon një nismë të re për të kufizuar imigracionin

(KEYSTONE/Laurent Gillieron)

Partia Popullore Zvicerane e krahut të djathtë do të nisë një “iniciativë për qëndrueshmëri” në vitin 2023 – e quajtur kështu, sepse partia pretendon se imigrimi “nuk është i qëndrueshëm” në Zvicër dhe duhet të frenohet, përcjell albinfo.ch.

SVP kishte nisur nisma të ngjashme në të kaluarën, të cilat u refuzuan në referendum.

Këtë herë partia thuhet se dëshiron ta sjellë sërish këtë çështje në kutinë e votimit, sepse popullsia e Zvicrës po rritet për shkak të fluksit të të huajve dhe së shpejti mund të arrijë dhe madje të kalojë shifrën e nëntë milionëve.

“Qeveria nuk duhet të lejojë që popullsia të rritet përtej këtij numri”, tha deputeti i SVP-së, Thomas Matter, duke shtuar se në 20 vjetët e fundit popullsia e Zvicrës është rritur me 21 për qind.

“E gjithë liria që kishim në infrastrukturë është shfrytëzuar”, tha ai.