“Swiss” heq pagesat për fëmijët e vegjël

Duke filluar prej 8 marsit në të gjitha fluturimet e Swiss do të hiqet pagesa për fëmijët e vegjël

Georges Mattenberger nga Wettingen është ankuar  në telefon “Espresso” se  edhe pse vajza e tij është 20 muajshe jo vetëm një herë për fluturimet me “Swiss”  ka paguar biletë aeroplani  gati 400 franga.

“Swiss” ka sqaruar se një fëmijë i vogël paguan 10 për qind  nga tiketa normale për të rritur.” Natyrisht vijnë edhe shpenzimet tjera, në destinacione më të gjata që nganjëherë rezultojnë me disa qindra franga.

Por, tash e tutje prej 8 marsit në të gjitha fluturimet do të hiqet kjo pagesë për fëmijët.

 “Ne reagojmë ndaj kërkesave të konsumatorëve. Bëhet fjalë për disa kategori të caktuar si p.sh.  ofertat speciale ose për kategoritë më të ulëta të tiketave, si dhe në linjat e veçanta  që nuk janë prekur nga rritja e çmimeve”, thonë në “Swiss”.

Në rastin e përfolur,  prindi ka kërkuar një vend të veçantë për fëmijën në një destinacion të gjatë që ka paguar më shumë se 1000 franga, që është më shumë se për një të rritur.

Zëdhënësja e “Swiss”, Myriam Ziesack ka thënë se  bileta për fëmijë është blerë  dy muaj më vonë.

Në kushte normale paguhet  për fëmijët në këtë kategorinë “fëmijë”, pasi gjithashtu edhe për fëmijë zihet një vend.