“Swiss” zbret çmimet e biletave brenda Evropës

Fushata e re e Swiss fillon nga 9 korriku, mirëpo të gjitha ofertat janë që tash në dispozicion për tu rezervuar

Kompania ajrore e Zvicrës “Swiss” ka vendosur t`i zbresë çmimet e fluturimeve brenda Evropës. Për herë të parë nga Cyrihu mund të nxirren biletat një drejtimëshe që do të kushtojnë nga 89 franga e tutje. Në konceptin e ri të çmimeve të Swiss do të ketë edhe çmime tjera të ulëta për destinacionet evropiane, shkruan revista “Travel Inside”.

Po ashtu edhe tarifat e biletave të klasit biznes do të kenë ulje. Ato do të kushtojnë duke filluar nga 299 franga.

Fushata e re e Swiss fillon nga 9 korriku, mirëpo të gjitha ofertat janë që tash në dispozicion për tu rezervuar, ka thënë një zëdhënëse e kompanisë Swiss.

Një përshtatje të ngjashme çmimesh, Swiss e kishte aplikuar edhe në shtatorin e vitit të kaluar për fluturimet në destinacionet evropiane nga Aeroporti i Gjenevës.