Talat Xhaferi ndan fotot me Ramën: U takuam në Mynih, biseduam për 2 evenimente

Kreu i qeverisë teknike në Maqedoninë e Veriut, Talat Xhaferi, dhe kryeministri i Shqipërisë, Edi Rama, janë takuar së bashku në Mynih, përcjell albinfo.ch.

Lajmin e ka bërë të ditur Xhaferi, i cili ka postuar në faqen e tij në Facebook fotot me kryeministrin Rama. Ai e ka quajtur kryeministrin shqiptar “homologun e tij të mirë”, ndërsa ka theksuar se së bashku kanë folur për dy evenimete të rëndësishme.

“Në Mynih u takova me mikun dhe homologun tim të mirë, Kryeministrin e Republikës së Shqipërisë, Edi Rama.

Biseduam për dy evenimentet shumë të rëndësishme, mikpritës i të cilave do të jetë Tirana: Samiti i EJL- Ukrainë dhe Konferenca në nivel të lartë, e dedikuar për Planin e rritjes të BE-së.

Më gëzon që takimi më 29 shkurt do të paraqesë vazhdim të takimit që u realizua në Shkup më 22 janar, duke e konfirmuar rëndësinë që ia kushtojmë përforcimit të mëtejshëm të ndërlidhjes rajonale dhe tregut të përbashkët rajonal, si parakusht për përgatitjen për hyrje në tregun e përbashkët evropian”, shkruan Xhaferi.