Të burgosurit e parrezikshëm sërish lejohen të dalin

Pasi që një i burgosur nga Gjeneva kishte vrarë një terapeute sociale gjatë kohës që e kishte marrë ditë të lirë nga burgu, ishte anuluar plotësisht dhënia e ditëve të lira për të gjithë të burgosurit

Personat që vuajnë dënimin në burgjet e Kantonit të Gjenevës, ata që konsiderohen të parrezikshme, sërish lejohen të marrin pushime nga burgu. Drejtoria e Sigurisë nga Gjeneva duke konfirmuar një lajm të publikuar nga gazeta “Tribune de Geneve” ka pranuar se kjo gjë ka filluar të praktikohet.

Siç dihet, pasi që një i burgosur në një burg të Gjenevës kishte vrarë nga mesi i shtatorit një terapeute sociale gjatë kohës që e kishte marrë ditë të lirë nga burgu, ishte anuluar plotësisht dhënia e këtyre ditëve të lira për të gjithë të burgosurit.

Ndërkaq, edhe tash mbeten rreth 130 të burgosur, të cilësuar si të rrezikshëm, të cilëve së paku deri në fillim të vitit 2014 nuk u lejohet dalja.

Të përjashtuar nga vendimi i ri për lejim të ditëve të lira janë edhe më tej të gjithë të burgosurit e burgut La Paquerette, pasi që i burgosuri që kishte kryer vrasjen e terapeutes, vinte nga ky burg.