Të rinjtë në Zvicër pothuajse nuk përdorin rrjetet sociale për vetë-përfaqësim

(KEYSTONE/Christian Beutler)

Rezultatet kundërshtojnë perceptimin e zakonshëm se të rinjtë përdorin kryesisht rrjetet sociale për t’u paraqitur, thotë Svenja Deda-Bröchin nga Universiteti i Shkencave të Aplikuara në Cyrih (ZHAW). Ajo është bashkëautore e raportit Jamesfocus, i publikuar të mërkurën.

Sipas raportit, 57% e të rinjve të anketuar thonë se përdorin rrjetet sociale kryesisht për argëtim, ndërsa 46% i përdorin ato për të kërkuar informacion. Vetë-përfaqësimi rëndon vetëm për 4% të tyre, transmeton albinfo.ch.

Raporti është bazuar në përgjigjet e mbi një mijë të rinjve nga të gjitha tre rajonet gjuhësore të Zvicrës, në moshën 12 deri 19 vjeç. Në total, 91% e të rinjve përdorin rrjetet sociale çdo ditë ose disa herë në javë.

Studimi James, nga ZHAW për Swisscom, ofron një pasqyrë mbi sjelljet mediatike të të rinjve zviceranë. James është një studim që realizohet çdo dy vjet dhe fokusohet te rinia, aktivitetet dhe mediat.