Temperaturat ekstreme rrisin rrezikun e vdekjes nga sëmundjet e zemrës

(KEYSTONE/Jean-Christophe Bott)

Më shumë njerëz vdesin nga sëmundjet e zemrës në ditët e temperaturave ekstreme, sipas një analize të miliona vdekjeve kardiovaskulare.

Temperaturat jashtëzakonisht të nxehta ose të ftohta mund të rrisin rrezikun e vdekjes te njerëzit me sëmundje të zemrës, të tilla si sëmundje ishemike të zemrës, goditje në tru, dështim të zemrës dhe aritmi.

Hulumtimi i botuar në revistën Circulation të Shoqatës Amerikane të Zemrës zbuloi se njerëzit me dështim të zemrës përjetuan më shumë vdekje shtesë kur temperaturat ishin ekstreme.

Ata analizuan të dhënat shëndetësore për më shumë se 32 milionë vdekje kardiovaskulare që ndodhën në qindra qytete në 27 vende të botës, midis 1979 dhe 2019.

Sëmundjet e zemrës janë shkaku më i madh i vdekjeve në mbarë botën, duke qenë përgjegjëse për rreth 16 për qind të vdekjeve totale në botë, sipas Organizatës Botërore të Shëndetësisë (OBSH), përcjell tutje albinfo.ch.