Tre të vdekur gjatë fluturimit me paraglider

Bëhet fjalë për tre aksidente të ndodhur në tri vende të ndryshme

Gjatë të dielës së festës së krishterë të Rrëshajave (Pfingsten) tre persona, në vende të ndryshme të Zvicrës kanë humbur jetën gjatë fluturimit me fluturaket paraglider.

Të dielën, një shtetas 38 vjeçar gjerman ka gjetur vdekjen në Engelberg të kantonit Obwalden, një zviceran 43 vjeçar nga Kantoni Thurgau është aksidentuar dhe ka vdekur në Prättigau të kantonit Graubünden dhe një austriak 48 vjeçar në Scuol po ashtu të kantonit Graubünden, shkruan 20minuten.ch.

Moti me diell ka nxitur shumë sportistë dhe dashamirës të fluturakeve nga më të ndryshmet për të dalë në natyrë dhe kjo, disa prej tyre u ka kushtuar me jetë.