Turistët aziatikë vërshojnë Zvicrën

Rritja e madhe e numrit të bujtjeve në shtator është regjistruar nga turistët nga Azia, 5.6 për qind, veçanërisht vizitorë nga Koreja e Jugut

Hotelet zvicerane në shtator kanë shënuar rritje të numrit të bujtjeve për 1.7 për qind, konkretisht 3.4 milionë bujtje kryesisht nga turistët aziatikë.
Sipas Zyrës Statistikore Federale Zvicerane, turistët vendës muajin e kaluar kanë shënuar 1.6 milionë bujtje, deri 3.5 për qind më shumë se shtatori i 2013-ës, ndërsa numri i vizitorëve të huaj ka mbetur pothuajse i qëndrueshëm në 1.8 milionë bujtje, vetëm 0.2 për qind më shumë.
Nga janari deri në shtator numri i netëve në hotele ishte 28.6 milionë, shifër që ka qenë e qëndrueshme gjatë të njëjtës periudhë të vitit të kaluar.
Rritja e madhe e numrit të bujtjeve në shtator është regjistruar nga turistët nga Azia, 5.6 për qind, veçanërisht vizitorë nga Koreja e Jugut, duke gjeneruar 42.2 për qind më shumë bujtje se në të njëjtin muaj të vitit të kaluar. Pastaj vijnë turistët nga vendet e Lindjes (10,2 për qind), Kina pa Hong-Kongun (1.9 për qind).
Nga Japonia janë regjistruar 2.5 për qind më pak bujtje, apo 1200 më pak se në shtator të vitit 2013.
Rritja më e madhe absolute e numrit të turistëve nga SHBA-ja (8500 bujtje ose 4,6 për qind).
E vetmja rritje e dukshme e numrit të bujtjeve është regjistruar nga mysafirët e Britanisë së Madhe dhe Italisë.