Ulen çmimet e 500 medikamenteve

Vendimi do të jetë në fuqi qysh ditën e sotme. Me këtë ulje çmimesh, arkat e sigurimit shëndetësor të detyruar (bazë) do të shkarkohen për së paku 200 milionë franga

Zyra Federale e Shëndetësisë (BAG) ka vendosur të zbresë çmimet e rreth 500 medikamenteve. Këtë verim ajo do ta bëjë në kuadrin e shqyrtimit që sikur çdo vit tjetër, ajo i bën një liste më të gjatë të medikamenteve. Kësaj radhe shqyrtohen çmimet e 800 medikamenteve, bën të ditur BAG. Për 300 të mbeturat, është vlerësuar se kanë çmim të krahasueshëm me atë të vendeve tjera ose çmim të arsyeshëm.

Sipas kësaj zyre çmimet e zbritura do të jenë në fuqi qysh ditën e sotme, (1 nëntor). Me këtë ulje çmimesh mendohet se arkat e sigurimit shëndetësor të detyruar (bazë) do të shkarkohen për së paku 200 milionë franga.

Si model për të bërë krahasimin e çmimeve BAG ka marrë të dhënat nga gjashtë shtete të Evropës, në mesin e të cilave nga Gjermania, Britania e Madhe dhe Franca.

Zyra Federale e Shëndetësisë për çdo vit bën rishqyrtimin e një të tretës së medikamenteve nga lista e specialiteteve.

Çmimet e larta të barërave janë prej kohësh objekt kontestimi në mes të industrisë farmaceutike të Zvicrës dhe institucioneve, shkruan “bernerzetung.ch” .

Nga fillimi i këtij viti Gjykata Federale pati hedhur poshtë ankesat e dy prodhuese kryesorë të barërave në Zvicër Novartis dhe Roche. Ato kishin bërë ankesë kundër një vendimi të autoriteteve që kontestonte vendosjen e çmimeve fikse gjegjësisht “të paprekshme” për një numër medikamentesh nga prodhuesit në fjalë.

Ministri i shëndetësisë, që në fillim të vitit 2012 kishte shpallur një listë prej 450 medikamentesh çmimet e të cilave duhej të uleshin, ndërsa ky vendim e kishte provokuar reagimin e industrisë farmaceutike.