Vinjeta do të mbetet 40 franga

Shoferët do të paguajnë autostradat zvicerane më lirë nga sa pritej. Komisioni përkatës në Dhomën e Kantoneve është kundër rritjes së çmimit të vinjetës.

Në fund të qershorit KVF kishte vendosur në parim për rritjen e  çmimit të vinjetave nga 40 në 70 franga. Me të ardhurat shtesë ishte paraparë financimi i rrjetit nacional të rrugëve që është në kompetencë të kantoneve. Bëhet fjalë për 400 km rrugë të rrjetit rrugor nacional të Zvicrës.

Rritja e çmimit në 100 franga ishte refuzuar edhe në referendumin e vitit 2013.

Sipas shumicës së anëtarëve të Komisionit, financimi i rrugëve bart në vete shumë paqartësi.

Financimi i rrjetit të infrastrukturës rrugore me një rritje të mundshme të çmimit të vinjetës mbetet të sqarohet më vonë.

Komisioni ia ka besuar Këshillit Federal të hartojë një projekt të përshtatshme për në fund të 2017-ës.
​