Xhisiela fajëson opozitën për tritolin

Vajza që prej kohësh është vënë në qendër të vëmendjes pas denoncimit dhe tërheqjes nga akuzat për djalin e deputetit socialist, Rrahman Rraja, e ka bërë përgjegjëse opozitën për shpërthimin e tritolit në shtëpinë e saj.

Ajo u ka thënë medieve se kjo po bëhet vetëm pse ajo e tha të vërtetën. Ajo ka thënë se nuk do të largohet nga Shqipëria edhe pas këtyre sulmeve por ka thënë se tash do të pranojë mbrojtjen e afërt të policisë.

“Vendosja e tritolit është më se e qartë. Do të thotë, është bërë nga PD-ja dhe nga opozita për të më sulmuar drejtpërdrejt. Të vërtetën e di vetëm unë. Nuk jam e kërcënuar nga fisi Rraja. Deri dje “hipotezat” ishin  që unë isha e kërcënuar nga fisi Rraja, tashmë nuk janë. Edhe telefonata e parë që unë kam bërë pasi ka ndodhur shpërthimi ka qenë i një kushëriri të Rexhepit, Ramazan Rraja, ka ardhur këtu dhe pastaj është larguar. Më pas unë kam njoftuar policinë”, ka thënë ajo.