Zgjedhjet në Kosovë, edhe kaq vendvotime kanë mbetur pa u procesuar

Foto FB: Komisioni Qendror i Zgjedhjeve

Komisioni Qendror i Zgjedhjeve në Kosovë ka procesuar 99.72 për qind të vendvotimeve.

Sipas rezultateve preliminare deri të mërkurën në ora 22:12 janë procesuar 2 mijë e 526 vendvotime nga 2 mijë e 533 që janë në total. Deri më tani edhe shtatë vendvotime kanë mbetur të paprocesura për të përfunduar procesi i numërimit të votave të rregullta për zgjedhjet.

Sipas këtyre të dhënave preliminare të KQZ-së, del se Lëvizja Vetëvendosje ka 40.84% të votave, Partia Demokratike e Kosovës ka marrë 22.05%, Lidhja Demokratike e Kosovës 17.67%, ndërsa Koalicioni AAK-Nisma, konservatorët dhe intelektualët ka marrë 7.45%.

Rezultatet preliminare nuk përfshijnë votat me kusht, votat e personave me nevoja të veçanta dhe votat jashtë Kosovës.

Komisioni Qendror i Zgjedhjeve ka filluar edhe numërimin e votave të kandidatëve për deputetë në disa komuna.