Zvicër, ligji Covid-19 do të zgjatet deri më 30 qershor 2024

(KEYSTONE/Alexandra Wey)

Covid nuk është më tema kryesore që ishte gjatë dy Krishtlindjeve të fundit, por Këshilli Federal vendosi të mërkurën të zgjasë disa urdhëresa të lidhura me koronavirusin, përcjell albinfo.ch.

“Edhe nëse situata është stabilizuar, është e vështirë të parashikohet me besueshmëri evolucioni i pandemisë Covid-19”, shpjegoi qeveria.

Për këtë arsye, ligji Covid-19 do të zgjatet deri më 30 qershor 2024.

Për sa u përket certifikatave Covid – duke u lejuar njerëzve që jetojnë në Zvicër të udhëtojnë më lehtë jashtë vendit – ato zgjaten deri më 31 gusht 2023.

Këshilli Federal tha se “përdorimi i tyre duhet të mbetet i mundur, edhe nëse aktualisht nuk janë të nevojshëm në Zvicër”.

Sistemi do të mbetet “i pajtueshëm me certifikatën dixhitale të Bashkimit Evropian Covid-19”.