Zvicra anulon kursin për ushtarakët rusë

Kjo vjen si pasojë e tensioneve që ka shkaktuar ndërhyrja e Rusisë në Krime të Ukrainës

Si përgjigje ndaj ndërhyrjes së forcave ushtarake të Rusisë në Krime të Ukrainës, Zvicra ka vendosur të anulojë njëherë për njëherë pjesëmarrjen e ushtarakëve rusë në një kurs për ushtarët malorë që ishte planifikuar ta zhvillonin ata në Zvicër. Fjala është për kursin që është dashur të mbahet në Andermatt, kantoni Uri.

Në kurs ishte planifikuar pjesëmarrja e rreth dyzet ushtarëve rusë

Siç bën të ditur srf.ch Zvicra ka shfrytëzuar rrugën diplomatike për të kontaktuar me Ministrinë e Mbrojtjes të Rusisë.  Kursi është shtyrë për kohë të pacaktuar.

Siç thuhet në një prononcim nga Ministria e Mbrojtjes, Zvicra ndjehet e detyruar të tregojë më shumë vetëpërmbajtje në kohët e tensioneve ndërkombëtare, çfarë janë duke ndodhur aktualisht në raport me Rusinë.