Zvicra i thotë lamtumirë Olimpiadës 2022

Iniciativa për mbajtjen e Lojërave Olimpike Verore në Zvicër është kundërshtuar nga populli i kantonit Graubünden, i cili ka votuar 54% kundër

Krahas votimeve të rëndësishme që janë zhvilluar në nivel vendi, sot në kantonin Grabünden është realizuar një votim kantonal por me pasoja për gjithë Zvicrën. Fjala është për iniciativën që Lojërat Olimpike Dimërore të vitit 2022 të zhvillohen në Zvicër, gjegjësisht në kantonin e përmendur.

Kjo iniciativë është kundërshtuar nga populli i këtij kantoni, i cili ka votuar 54% kundër. Vetëm dy qendrat e njohura të skijimit dhe të turizmit, Davosi dhe St. Moritz-i, aty ku do të zhvillohej olompiada, kanë votuar në favor të saj, gjë që, natyrisht, nuk ka mjaftuar.

Me këtë vendim të sovranit, çështja e organizimit të Lojërave Olimpike të vitit 2022, në këtë kanton, po edhe në Zvicër, në përgjithësi, konsiderohet çështje e mbyllur.

Ministri i sportit dhe njëherësh president i Zvicrës, Ueli Maurer është shprehur i dëshpëruar me rezultatin e votimit. Ai ka qenë në mesin e përkrahësve të olimpiadës.

Ndërsa deputeti socialdemokrat i parlamentit Nacional Cedric Wermuth, si kundërshtar i organizimit të lojërave olimpike në Zvicër ka përdour tone triumfuese në twitterin e tij. Njësoj edhe deputeti i gjelbër Bastien Girod ka shprehur kënaqësinë e tij me këtë rezultat.