Zvicra nuk funksionion pa të huajt

Sindikata Unia në veçanti është kundër përpjekjeve për të futur sërish në fuqi “statusin skandaloz të sezonierëve"

Zvicra do të ballafaqohej me probleme të pazgjidhshme nëse nuk do të ishte puna dhe kontributi i të huajve. Një konstatim të tillë e ka bërë sindikata Unia, në një komunikatë për shtyp të lëshuar nga konferenca e saj për migracion, e mbajtur të hënën. Sipas saj, pjesa më e madhe e punëve dhe shërbimeve veçanërisht në lëmin e përkujdesjes, në ndërtimtari  në pastrim dhe në shërbimet personale, do të mbeteshin pa u kryer, shkruan nzz.ch. 

Për këtë arsye Unia do “t`i luftojë vendosmërisht” përpjekjet e ndryshme për përkeqësimin e statusit dhe të drejtave të migrantëve. Ajo në veçanti është kundër përpjekjeve për të futur sërish në fuqi “statusin skandaloz të sezonierëve”.

Sindikata Unia do të vazhdojë në mënyrë të intensifikuar fushatën e saj kundër ksenofobisë dhe do të kërkojë vlerësimin dhe respektin për kontributin e dhënë të migrantëve në Zvicër, thuhet në fund të komunikatës.