Zvicra përforcon kufijtë

Kriminaliteti i shtuar ndërkufitar ka shtyrë Parlamentin e Zvicrës për të kërkuar me ligj shtimin e rojave kufitare

Dhoma Nacionale e Parlamentit ka bërë presion që të shtohet numri i gardave kufitare, duke pranuar një iniciativë me shumicë votash që kërkon bazën ligjore për të lejuar rritjen e trupave dhe rekrutimin e mjaftueshëm të tyre.

Kriminaliteti ndërkufitar po rritet në Gjenevë, po ashtu në Waadt, në Fribourg, Vaud dhe Bernë, tha deputetit nacional i SVP-së në Gjenevë, njëherësh iniciator i nismës për përforcimin e kufijve.

Që nga hyrja e Zvicrës në zonën Shengen gjendja është përkeqësuar. Një shumicë e ngushtë e Komisionit për Politikë të Sigurisë ka mbështetur iniciativën.

Situata mund të zbutet në një afat të mesëm me rritjen e rojave kufitare, tha zëdhënësi Thomas Hurter (SVP/SH). 

Ai tha se ka boshllëqe në vende të caktuara, ngase garda kufitare është vendosur diku tjetër. 

Corina Eichenberger nga FDP/AG vuri në dukje se që nga paraqitja e nismës më 2010, rojat kufitare janë përforcuar shtesë me 35 pjesëtarë të gardës. 

Tashmë rekrutët janë trajnuar për të filluar detyrën nga 2014, sidomos në kantonet e Gjenevës dhe Ticinos.