Zvicra tejkalon rrezikun nga vërshimet

Sasia e shiut që ka rënë në Engelberg (OW) bie njëherë në 30 deri në 50 vjet. Ndërsa në St. Gallen ka pasur reshje shiu çfarë ndodhin njëherë në 100 vjet

Reshjet e mëdha të shiut që kanë kapluar Zvicrën gjatë fundjavës së kaluar, janë tejkaluar relativisht me sukses. Të gjitha kantonet janë kursyer nga vërshime katastrofale që mund të priteshin duke u nisur nga sasia e të reshurave.  Niveli i ujit në liqene dhe në lumenj vazhdon të jetë shumë i lartë por gjendja gradualisht po vjen duke u shtendosur ndërsa vërshime të reja janë fare pak të besueshme. Vetëm liqeni Bodensee vazhdon të paraqesë një rrezik për vërshim.

Siç bën të ditur Meteoschweiz, nga e premtja  deri të dielën më shumë shi ka rënë në Zvicrën Qendrore, në lindje të Alpeve deri në Bodensee si dhe në veri të Graubündenit. 

Kështu sasia e shiut që ka rënë në Engelberg (OW) është e krahasueshme me te reshurat që këtu janë regjistruar njëherë në 30 deri në 50 vjet. Ndërsa në St. Gallen ka pasur reshje shiu çfarë ndodhin njëherë në 100 vjet.  

Shkalla e rrezikut ka rënë edhe në liqene. Kështu, në Liqenin e Cyrihut kemi një zbritje të kësaj shkalle nga 4 në 3. Një zëdhënës i Policisë së Kantonit të Cyrihut thotë për SRF se niveli i ujit në liqe vazhdon të jetë rreth 40 cm mbi normalen.

Një rrezikshmëri për banorët vazhdojnë të paraqesin liqenet Greifensee dhe Pfäffikersee ka thënë ai. Për këtë arsye qytetarët luten që  të qëndrojnë larg ujërave, në veçanti lumenjve.