12 kilometra kolona para tunelit Gothard

Fluksi i madh i turistëve drejt jugut mbase i fundit për këtë verë, ka ngarkuar trafikun në portë veriore të tunelit të Gothardit. Sot rreth orës 4 të mëngjesit kolona e automjeteve në këtë vend ishte e gjatë rreth 6 kilometra ndërsa nga ora 7 kjo kolonë tashmë kishte arritur gjatësinë prej 12 kilometrash. Por edhe një ditë më parë, në pasditen e të premtes në këtë pikë ishte regjistruar një kolonë e gjatë 7 kilometra.

Ndërkaq kohëzgjatja maksimale e pritjes së makinave që shkonin në drejtim të jugut ka qenë dy orë, bën të ditur Shërbimi i Trafikut rrugor të Zvicrës Viasuisse transmeton srf.ch

Për të shkarkuar trafikun e dendur në këtë tunel, autoritetet u rekomandojnë udhëtarëve që të marrin në konsideratë edhe rrugët tjera, alternative si atë mbi San Bernardino, Lötscherg, SImplon ose Sankt Bernhard.