65 xhihadistë nga Zvicra në zonat e konfliktit

Dhjetë nga këta xhihadistë, ose çdo i gjashti, sipas NDB-së janë vrarë

Pas një periudhe rritjeje, numri i personave nga Zvicra që udhëtojnë për të arrë pjesë në xhihad ka filluar të stabilizohet. Siç bën të ditur Shërbimi Federal i Informimit NDB janë gjithsej 65 persona për të cilët ka të dhëna se janë ose kanë qenë pjesë e zhvillimeve të njohura me bazë religjioze në zonat e konfliktit si Siri, Irak ose Pakistan, Afganistan.

Dhjetë nga këta xhihadistë, ose çdo i gjashti, sipas NDB-së mendohet të kenë vdekur në vendet e përmendura. Por vetëm për pesë prej tyre ka informacione të sakta se kanë vdekur në zonat e konfliktit.

NDB ka filluar të mbajë shënime për xhihadistët që nga viti 2001. Për shumë vite numri i tyre ishte stabilizuar në rreth 20 sish që ishin aktivë në Afganistan, Pakistan ose Jemen. Ndërsa me plasjen e luftës në Irak dhe në Siri k numër u rrit shpejt në 65.

Gjithsej 12 persona janë kthyer nga vendet e përmendura në Zvicër.

Ndërkohë autoritetet federale të Zvicrës kanë ngritur një task-forcë e cila merret me parandalimin e udhëtimit të xhihadistëve potencialë nga Zvicra në zonat e krizës. Kjo task-forë ka dalë sot me një raport ku kërkon që Zvicra të bëjë më tepër drejt parandalimit. Në raport ajo numëron masat që duhen ndërmarrë . Mes tjerash do të duhej ngritur një hotline në të cilën personat e prekur mund të telefonojnë dhe të ofrojnë indikacionet që kanë lidhur me rrezikun e xhihadizmit.