Kaq shumë vuajtje për gjermanët në Zvicër

Gjermanët në Zvicër kanë vështirësi në gjetjen e një banese dhe një vend pune. Kështu tregon një studim i ri që ka të bëjë me ksenofobinë kundër gjermanëve në Zvicër

Në renditjen botërore Zvicra sa i përket ekspertëve të huaj figuron të jetë e para. Por jo të gjithë janë të lumtur këtu. Madje, edhe gjermanët në Zvicër nuk ndjehen gjithmonë mirë. Kështu tregon një studim i ri i Universitetit të biznesit në Vjenë dhe Universitetit të St. Gallenit, të cilin e ka bërë publike “Focus.de”, transmeton albinfo.ch.

Rreth 300 mijë gjermanë jetojnë aktualisht në Zvicër. Ata përballen shpesh me fyerje, diskriminim dhe mohim në jetën e përditshme.

Nga rreth 1000 gjermanë të anketuar, 420 raportuan se ata mendojnë se vazhdimisht duhet ta tregojnë veten për atë që punojnë në Zvicër. Gjermanët duhet të mundohen shumë për të gjetur një banesë. Një në pesë gjermanë kanë raportuar se ishin refuzuar për shkak të kombësisë para blerjes ose marrjes me qira të një banese. 15 për qind thanë se mezi kanë siguruar një punë.

Një në dhjetë gjermanë shprehen se ishte e pajustifikueshme kontrollimi i tyre nga policia për shkak të origjinës së tyre. Shumica thanë se ishin ofenduar në mënyrë të përsëritur. Në vendin e punës, 28 për qind e gjermanëve nga kolegët ndjehen të përjashtuar.

Shumë prej tyre duhet të fshehin se janë gjermanë. Prandaj, një e treta e tyre nuk duhet të identifikohen në të folur se janë gjermanë. Disa prej tyre duhet të korrigjojnë sjelljen e tyre në mënyrë që “të duken më pak gjerman”.
30 për qind thanë se nuk do të perceptojnë Zvicrën si një shtëpi të re.