Askush nuk e di sa retromanë jetojnë në Zvicër

Organizata që kujdeset për trashëgiminë e retromanishtes, “Lia Rumantscha” u ka bërë një apel retromanëve që të regjistrohen

Keystone

Retoromanët, si njëri ndër katër komunitetet autoktone dhe shtetformuese të Zvicrës jetojnë në kantonin Graubünden , në juglindje të Zvicrës. Por sa retromanë jetojnë gjithsej në këtë vend, gjegjësisht sa veta e flasin gjuhën retromane? Askush nuk e di me saktësi përgjigjen e kësaj pyetjeje!

Dhe, për ta gjetur atë, organizata që kujdeset për trashëgiminë e kësaj gjuhe “Lia Rumantscha” u ka bërë një apel retromanëve që të regjistrohen. Atyre, ky regjistrim u mundësohet në selinë e organizatës në Chur ose përmes internetit, shkruan srf.ch.

Sipas regjistrimit të fundit, të realizuar ne vitin 2000, në Zvicër jetonin gjithsej 34.000 retromanë. Por, qysh atëherë ishte kontestuar mënyra e regjistrimit ndërkohë që tash as shifra e përmendur nuk mund të jetë më aktuale.