Dy burgje të reja dëbimi në Zvicër

Në Stans dhe në rajonin Härkingen / Oftringen do të ndërtohen qendra të reja dëbimit. Ndërtimi pritet të kushtojë 125 milionë franga

Drejtoritë për drejtësi të kantoneve Bernë, Aargau, Solothurn, Luzern, Obwalden, Nidwalden, Zug, Uri dhe Schwyz duan të ndërtojnë së bashku dy burgje të reja deportimit. Për të akomoduar 250 të burgosur që do të dëbohen nga vendi.

“Në mënyrë të veçantë, nëntë kantonet jo vetëm që do të merren me koordinimin, por ato do të krijojnë së bashku këto dy institucione për t’i ndërtuar dhe menaxhuar së bashku”, thotë udhëheqësi i projektit Hanspeter Fricker për “10vor10” të SRF.

Kostoja e ndërtimit kap vlerën 125 milionë franga, nga të cilat Qeveria federale do t’ i marrë mbi 75 për qind të investimeve, ndërsa pjesa tjetër është e ndarë në mes të kantoneve.