Gjithnjë më shumë etër pas moshës 50 vjeçare

Në vitin 2013 ka pasur 1615 të tillë në gjithë Zvicrën, ose 300 më shumë se pesë vite më parë

Janë gjithnjë më të shumtë ata meshkuj që bëhen etër pas moshës 50 vjeçare. Në vitin 2013 ka pasur 1615 të tillë në gjithë Zvicrën, ose 300 më shumë se pesë vite më parë. Por trendi i shtyrjes së moshës së bërjes baba është i hutueshëm edhe në përgjithësi: tashmë çdo i pesti mashkull në Zvicër është më shumë se 40 vjeçar kur bëhet baba.

Nga ana tjetër, numri i atyre që bëhen baballarë në moshë të re ka shënuar rënie. Në vitin 2013 në Zvicër ishin vetëm 107 meshkuj të cilët ishin bërë etër në moshën nën 20 vjeçare, ndërsa në vitet e mëparshme ishin mesatarisht nga 140 të tillë. Edhe numri i atyre që u bënë baballarë në moshën 20 deri 24 vjeçare ka rënë në mënyrë të vazhdueshme gjatë pesë viteve të fundit. Në vitin 2013 ky numër ka qenë 2312, tregon raporti më i ri i Entit federal për Statistikë, që është publikuar sot

Megjithatë, mosha kur më së shumti meshkuj bëhen me fëmijë vazhdon të jetë në mes 30 dhe 39 vjeçare.

Në vitin 2013 në Zvicër janë bërë etër fëmijësh gjithsej 82713 meshkuj.

Në raportin e posapublikuar për herë të parë janë përfshirë edhe etërit e pamartuar