Iniciativë për ndalimin e burkave në Cyrih

Tre këshilltarët kantonalë të EDU-s që kanë dorëzuar nismën përmendin shprehimisht mbulesën e fytyrës myslimane dhe janë kundër, siç thonë ata, "tolerancës së rreme"

Partia konservatore EDU, me anë të një iniciative synon ndalimin e maskimit për demonstruesit e dhunshëm në vendet publike në kantonin e Cyrihut, duke i përfshirë edhe gratë myslimane që bartin burka.
“Tagesanzeiger” bën të ditur se iniciativa e EDU-s ishte paraqitur më 15 dhjetor në Parlamentin kantonal në Cyrih. Arsyeja për këtë nismë ishte një demonstratë e dhunshme e 12 dhjetorit në qytetin e Cyrihut, ku kishin marrë pjesë njerëz të maskuar .

Ndalimi duhet të zbatohet jo vetëm për demonstruesit në të ardhmen, por për të gjithë ata që fshehin fytyrën e tyre në vende publike – pa marrë parasysh motivin.

Tre këshilltarët kantonalë të EDU-s që kanë dorëzuar nismën përmendin shprehimisht mbulesën e fytyrës myslimane dhe janë kundër, siç thonë ata, “tolerancës së rreme”.

Tesina është kantoni i parë në Zvicër që ka ndaluar mbajtjen e burkave në vende publike.

Iniciativa të tilla vijnë në Zvicër pas vendimit për ndalimin e mbulesave të tilla myslimane që zbatohen në Francë dhe Belgjikë.