Ja 15 kompanitë më të mëdha në botë

2000 kompanitë më të mëdha dhe me ndikim në në botë në vitin 2015 raportohet të kenë të ardhura të përbashkëta prej 39 mijë miliardë dollarësh. Fitimi i tyre llogaritet 3 mijë miliardë ndërsa asetet e tyre marrë së bashku vlerësohen 162 mijë miliardë dollarë, e vlera e tregut të tyre llogaritet 48 mijë miliardë.

Vlera totale e tyre e tregut u rrit me 9% në bazë vjetore, rritja më e lartë në mesin e katër treguesve, sipas renditjes më të fundit të “Forbes”.

Në renditje janë përfshirë kompani prej 61 vendeve. Me shumicën e përfaqësuesve në renditje mburret SHBA, me 579 kompani. Në vendin e dytë është Kina (kontinent dhe Hong Kong) me 232 kompani, të cilat për herë të parë kanë tejkaluar Japoninë që tani është e treta me 218 kompani. Më pas vjen Britania e Madhe (94) dhe Korea e Jugut (66).

Në mesin e kompanive në profitabile këtë vit është “Facebook”, i cili ngjitet për më shumë se 200 vende në këtë renditje, në saje të rritjes së të ardhurave dhe fitimit.

“American Airlines”, ka bërë lëvizje për 500 vende në këtë renditje, në saje të çmimeve më të ulëta të naftës. “Starbucks” regjistroi një rritje prej më shumë se 450 vende, dhe arsyeja për këtë është rritja e kapitalit të tregut dhe fitimet e kompanisë.

15 kompanitë më të mëdha publike në botë janë:
“HSBC Holdings”, “Volkswagen Group”, “Royal Dutch Shell”,”Apple”, “Toyota Motors”, “Wells Fargo”, “General Electric”, “PetroChina”, “Exxon Mobil”, “JPMorgan Chase”, “Berkshire Hathaway”, « Bank of China”, „Agricultural Bank of China “, „China Construction Bank”, “ICBC”.​