Kërkohet një aktore për rolin e nënës shqiptare

Për këtë film kërkohet një aktore e një roli të dytë (mund të jetë edhe laike) për rolin e nënës së protagonistit të dytë (Aro), një grua me prejardhje shqiptare e moshës 52 -55 vjeçare

Kompania për prodhimin e filmit “2:1 Film” në Cyrih, për filmin artistik “Skizzen von Lou” që xhirohet në korrik kërkon urgjentisht një aktore (laike, joprofesionale) me prejardhje shqiptare për të luajtur një rol ndihmës në këtë film. Bëhet fjalë për një film të buxhetit të ulët, debutim i regjisores së re dhe shumë premtuese, Lisa Blatter.

Ky është, me pak fjalë, subjekti i këtij filmi: Në kërkim të lirisë absolute, Lou e ka injoruar prej kohësh se çfarë është ajo nga e cila po ikën. Por, pastaj vjen Aro. Dhe Lou paparitmas fillon sërish të ndjejë. Fillimisht kundër dëshirës dhe pastaj me vetëdije të plotë, ajo vendos të qëndrojë prapa rrëfimit të saj. “Skizzen von Lou” është një rrëfim dashurie dhe bën fjalë për lirinë, vetminë, atdheun dhe familjen.

Për këtë film kërkohet një aktore e një roli të dytë (mund të jetë edhe laike) për rolin e nënës së protagonistit të dytë (Aro), një grua me prejardhje shqiptare e moshës 52 -55 vjeçare. Në rolin e saj ka shumë pak tekst (dy fjali) që duhet të thuhen në gjermanisht/schweizerdeutsch.

Skenat përkatëse xhirohen brenda një dite, më 11 korrik në Cyrih.

Kush është e interesuar për t`u bërë pjesë e këtij filmi, mund të paraqitet në këtë email adresë:   rheameral@sunrise.ch . Është e dëshirueshme që me të njëjtin email ta dërgojë një foto-portret të saj dhe të tregojë gjatësinë e trupit, shkruan Rhea Plangg.