Peticion në internet për fushatën “Ushqimi i qëndrueshëm 2020”

Peticioni kombëtar online “Ushqimi i qëndrueshëm 2020” kërkon më shumë transparencë mbi pasojat e konsumit të lartë të mishit. Nisur të martën nga “Sentience politics”, ai dëshiron të nxisë konsumin e ushqimeve bimore.

Në dekadat e fundit kompania jonë ka adoptuar një metodë të të ushqyerit, e cila përshpejton ngrohjen globale, duke rritur nivelin e urisë dhe mungesën e ujit në vendet e tjera, thuhet në deklaratën e lëshuar të martën nga “Sentience politic”.

Kjo metodë e të ushqyerit nuk siguron një furnizim të mjaftueshëm, është e dëmshme për shëndetin dhe në kundërshtim me parimin kushtetues të dinjitetit të kafshës, theksohet nga organizata e krijuar më 2013 nga Fondacioni Zviceran Giordano Bruno (GBS).

Zbritja e konsumit të mishit

Me këtë peticion organizata dëshiron që autoritetet (Konfederata, kantonet dhe komunat) të rekomandojnë zbritjen e konsumit të produkteve të kafshëve dhe të rrisin konsumin e ushqimeve vegjetariane dhe vegane.

Qëllimi është gjithashtu që Konferderata apo kantonet të llogarisin koston ekonomike që shkaktohet “nga konsumi i tepërt i produkteve shtazore”, qoftë në aspektin shëndetësor, mjedisor ose koston lidhur nga varësia me vendet e huaja në fushën bujqësore.

Një iniciativë kantonale me të njëjtat kërkesa është nisur në Basel-Stadt. Të Gjelbrit e rinj si dhe “Sentience politics” kanë nisur gjithashtu një iniciativë në qytetin e Cyrihut për të rritur furnizimin vegjetarian dhe vegan në mensat publike.