Propozohet që baballarët të pushojnë deri në 8 javë

Zvicra mbetet prapa vendeve të tjera të OECD-së, sa i përket lehonisë për burrat. Një komision qeveritar argumenton se një periudhë më e gjatë e lejes prindërore do të ishte e mirë për ekonominë e vendit.

Komisioni Federal i Zvicrës për Koordinimin e Çështjeve Familjare (COFF) ka mirëpritur debatin e tanishëm të qeverisë, për atë se a duhet të shtohet leja e atësisë për baballarët, shkruajnë mediat zvicerane.

COFF argumenton se minimumi duhet të jenë katër javë pushim, derisa sugjerohet se tetë javë do të ishin të dobishme për familjen dhe ekonominë, përcjell albinfo.ch.

Në Zvicër aktualisht ka një pushim lindjeje prej 14 javësh, por asgjë për baballarët.

Presidenti i COFF, Anja Wyden Guelpa, ka vënë në dukje se në më shumë se 50 për qind të vendeve të OECD-së, prindërit marrin një mesatare të kombinuar prej 43 javësh pushim të atësisë.

Komisioni përkrah periudhën dy javore, si një hap shumë modest, që do të përmirësonte gjendjen e familjeve. COFF në gusht të vitit të kaluar kishte propozuar lejen për prindërit deri në 38 javë.

Por, Qeveria zvicerane verën e kaluar rekomandoi që Parlamenti të refuzojë propozimin, duke argumentuar se do të ishte një barrë e madhe për ekonominë dhe kompanitë me sfida organizative, përcjell albinfo.ch.