Schneider-Amman: Nuk ka rrezik recesioni për Zvicrën

Forcimi i frangut gjegjësisht shkëputja nga lidhja që ka pasur ai për tri vite me euron ka shërbyer për skenarë nga më të ndryshmit lidhur me ndikimin e kësaj në ekonominë e Zvicrës. Nga shkurtimi i vendeve të punës dhe bartja e tyre në vende të tjera e deri te zgjatja e orarit të punës për punëtorët e ndërmarrjeve, pa u rritur pagat. Disa nga këto edhe kanë ndodhur por në përmasa të vogla.

Por, ministri i ekonomisë, Johann Schneider-Ammann shprehet optimist sa i përket konjunkturës në Zvicër. Ndryshe nga shumë studiues të kësaj fushe Ammann nuk konsideron se Zvicra do të rrëshqasë në recesion.

Në një intervistë per gazetën “Sonntagsblick”, ministri i ekonomisë ka thenë se një skenar i tillë nuk do të ndodhë në Zvicër. Por me një kusht: që konjunktura të ketë një zhvillim pozitiv edhe në Evropë dhe në SHBA.

Ministri më tej ka thënë se kursi i ndërrimit prej 1.10 franga për një euroështë tepër i ulët. Kjo, për shumicë n e kompanive mezi mjafton vetëm sa për mbijetesë, kështu që ato nuk do të munden të realizojnë fitime për të sjellë në jetë investime të reja.