Shqiptari vret me thikë shqiptarin

burime të albinfo.ch bëjnë të ditur se problemet që kanë pasur në mes vete djemtë e të vrarit dhe vrasësit kanë shkaktuar zënkën e cila është përshkallëzuar me vrasje

Keystone

Të dielën ka ndodhur një vrasje e rëndë në mes shqiptarësh. Në Heiden, kantoni i Appenzell Ausserrhoden, shqiptari nga Kosova I. D. ka therur me thikë shqiptari nga Presheva, Xh. I (emrat e plotë të të dyve të njohur për redaksinë). Pas kësaj, vrasësi është paraqitur vetë në polici.

Mediet e këtushme kanë shkruar për një vrasje në mes të një kosovari dhe të një serbi, duke iu referuar shtetësisë serbe të viktimës, preshevarit.

Ngjarja e dhunshme ka ndodhur pas një konflikti në mes të dy grupeve. Rreth orës 18.20 situata është përshkallëzuar në aërsi të një objekti shkollor. Kosovari 52 vjeçar ka nxjerrë thikën dhe ka qëlluar preshevarin 49 vjeçar. Plagët e shkaktuara me thikë kanë qenë fatale për viktimëm i cili ka vdekur në spital. Policia konsideron se shkas i fillimit të zënkës ka qenë një ndeshje futbolli që ishte zhvilluar pak më parë.

Ndërkaq, burime të albinfo.ch bëjnë të ditur se problemet që kanë pasur në mes vete djemtë e të vrarit dhe vrasësit kanë shkaktuar zënkën e cila është përshkallëzuar me vrasje.