Si çdo vit, Parlamenti hap dyert më 1 gusht

Me rastin e festës kombëtare, Parlamenti do të hapë dyert e tij për publikun më 1 gusht. Në rendin e ditës: Takimi me kryetarin e Këshillit Kombëtar, Stéphane Rosini, si dhe muzikë argëtuese dhe lojëra që zgjojnë kureshtjen e fëmijëve.

Pallati i Parlamentit do të jetë i hapur nga ora 9:00 deri në 16:00. Vizitorët do të mund të bredhin lirisht nëpër sallat e Këshillit Kombëtar dhe Këshillit të Shteteve, etj., kanë bërë të ditur sot shërbimet e Parlamentit.

Disa kabina do të jenë të pranishme për t’i informuar të pranishmit në lidhje me aspektet historike dhe moderne të ndërtesës. Fëmijët do të dalin në fotografi në vende të nryshme brenda pallatit dhe më pas do të mundohen të gjejnë vendin ku kanë marrë fotografitë në fjalë.

Nga ora 10:00 deri në orën 11:00, Stéphane Rossini do t’u përgjigjet pyetjeve nga publiku në sallën e Këshillit Kombëtar. Pastaj në mesditë personalitete që kanë shënuar historinë e Bernës, të mishëruar nga aktorët e shoqatës StattLand, do të luajnë po në këtë ndërtesë.

Argëtime muzikore do të organizohen në mënyrë paralele rreth dhe brenda Pallatit. Vizitorët do të kenë zgjedhje në mes të grupit reggae të Valais “Fleuve Congo”, si dhe muzikës tradicionale skoceze “Pipes and Drums of Jura” dhe grupit  “Alphorn2 syydefyn”.