Stambolli bëhet me një kishë të re pas 90 vjetëve

Kritikët e Erdogan-it e akuzojnë atë për tendencën e islamizimit të vendit. Pjesëtarët e pakicave të krishtera në Turqi janë të izoluara dhe janë viktima të dhunës sektare

Në Stamboll shumë kisha të krishtera në dekadat e fundit janë ristauruar ose rihapur, por nuk është ndërtuar asnjë më shumë. Tani ka ardhur koha që minoritetet e krishtera siriane të ndërtojnë një kishë të re, raportojnë mediet turke.

Që prej themelimit të Republikës Turke më 1923, asnjë kishë e re e krishterë nuk ishte lejuar në Turqi. Për të krishterët turq ka tani një lajm të mirë: në pjesën e qytetit të Stambollit, në Lagjen Marmara, do të ndërtohet një kishë e re për minoritetin e krishterë-sirian.

Ndërtimi pritet të nisë muajt e ardhshëm.

Turqia është laike sipas Kushtetutës dhe përfshin të drejtën themelore të lirisë së fesë. Popullsia është 99 për qind e besimit mysliman.

Kritikët e qeverisjes së Rexhep Tajip Erdogan e akuzojnë për tendencën e islamizimit të vendit. Pjesëtarët e pakicave të krishtera në Turqi janë të izoluara dhe janë viktima të dhunës sektare.

Pakicës së krishterë siriane në Turqi i përkasin rreth 20.000 njerëz. Ata janë të krishterë ortodoksë e katolikë dhe jetojnë kryesisht në juglindje të vendit.