Stuhia “Niklas” bën kërdi në Zvicër

Veç tjerash, si pasojë e saj ka pësuar lëndime një grua, ka pasur pengesa në trafik ndërsa një shtëpi ka mbetur pa kulm.

Keystone

Stuhia e njohur me emrin “Niklas” po bën kërdi nëpër Evropën Qendrore. Zvicra është po ashtu “viktimë” e kësaj stuhie. Të martën ajo ka nisur turin e saj nga Skotlanda drejt detit të veriut ndërsa në këtë rrugë e sipër, ka shkaktar shtrëngatë më të fuqishme edhe në Zvicër.

Ajo ka shkaktuar tashmë disa dëme. Veç tjerash, si pasojë e saj ka pësuar lëndime një grua, ka pasur pengesa në trafik ndërsa një shtëpi ka mbetur pa Kulm. Era ka rrëzuar një trung i cili është përplasur mbi makinën e një gruaje 57 vjeçe e cila ka pësuar lëndime.

Në mëngjesin e hershëm në majën e malit Crap Masegn të kantonit Graubünden është matur shpejtësia e erës prej 165 kilometrash në orë. Edhe në ultësira dhe në qytete janë regjistruar stuhi me shpejtësi të konsiderueshme, ndonëse jo aq të mëdha si në male. Kështu në Steckborn (Bodensee) është matur shpejtësia prej rreth 120 kilometrash në orë ndërsa në Bazel ka fryrë erë me shpejtësi prej 84 kilometrash në orë.

Sipas shërbimit meteorologjik meteo srf gjatë gjithë ditës sot do të ketë mot me stuhi. Ndërsa fuqinë më të madhe ajo do ta arrinte gjatë orëve të mesditës dhe pasdites.