SVP për heqje të statusit “F” dhe për dëbim të shpejtë të azilkërkuesve

restrikcioni i radhës që e propozon kjo parti është heqja në tërësi e statusit të pranimit të përkohshëm gjegjësisht “Vizës F”

SVP/UDC, në përpjekjet e saj për ashpërsimin e politikës së azilit ka shkuar së fundi edhe një hap më tutje. Ajo, përmes dy iniciativave parlamentare ka kërkuar, përveç tjerash, që azilkërkuesit të cilët kanë marrë vendim negativ të mos kenë më shumë se një herë  të drejtë ankese. Ndërsa restrikcioni i radhës që e propozon kjo parti është heqja në tërësi e statusit të pranimit të përkohshëm gjegjësisht “Vizës F”.

SVP synon që të gjithë rastet e personave me status F të rishikohen dhe t¨kthehen sa më parë që është e mundur në vendet e tyre.

Më tutje në iniciativat e përmendura kërkohet që  të huajt ë cilëve u ka dalë afati i qëndrimit në Zvicër por që vazhdojnë të qëndrojnë këtu në mënyrë ilegale, të shkyçen fare nga mundësia e marrjes së ndihmës emergjente.

Si bazë për këto ndryshime, fraksioni i SVP-së në Parlamentin e Zvicrës përend kaosin që sipas tij mbretëron në sferën e azilit, ku numërohen procedurat e stërzgjatura të azilit me “shumë mundësi ankese” si dhe dëbimi jofunksional i azilkërkuesve ne vendet e prejardhjes.

Si masë plotësuese, SVP propozon edhe ashpërsimin e kontrollimit të kufijve, në rast nevoje edhe me ushtri.