Swiss: Më pak fluturime, por më shumë udhëtarë

“Swiss” raporton se në tremujorin e parë të vitit numri i pasagjerëve u rrit me 0.2 për qind, në rreth 3.53 milionë.

Ndërsa numri i fluturimeve të realizuara është zvogëluar në krahasim me tremujorin paraprak me 2.9 për qind, norma e shfrytëzimit u rrit paksa me 0.1 për qind, në 78,9 për qind.

Në mars “Swiss” ka raportuar për 1.3 milionë pasagjerë, që është 0,1 për qind më shumë se në të njëjtin muaj të vitit të kaluar.

Në përgjithësi në koncernin „Lufthansa” numri i udhëtarëve në anën tjetër ka shënuar rënie muajin e kaluar për 0.2 për qind, në 8.090.000. Që nga fillimi i vitit, rënia ishte për 0.8 për qind.