Ticino dëshiron t’i mbyllë kufijtë vetëm natën

Nëpërmjet mocionit “Lega”, këshilltarja nacionale, Roberta Pantani, kërkon mbylljen e kufirit natën në Ticino për të parandaluar turistët kriminelë.

Në prezantimin vjetor të statistikave të policisë kantonale thuhet se në rajonet kufitare veprat kriminale ose stagnojnë, ose shënojnë rritje.

Të prekur veçanërisht janë Bazeli, Gjeneva dhe TicinoSipas statistikave policore, vjedhjet kanë shënuar rritje me rreth 30 për qind që nga 2010. Prandaj, këshilltarja nacionale, Roberta Pantani, ka kërkuar për të lejuar mbylljen e pikave kufitare gjatë natës në Ticino. Kjo do ta bënte më të vështirë kalimin e turistëve kriminelë.

Qeveria federale duhet të mbështesë kantonet në luftën kundër krimit ndërkufitar, pajtohet këshilltarja e PS-së, Anita Fetz.

Këshilli Federal duhet të marrë në shqyrtim mocionin me të cilin kërkohet që mbi 20 vendkalimet kufitare në Ticino të mbyllen për disa orë gjatë natës.
Por, mbyllja e kufijve mund të bie ndesh me Marrëveshjen e Shengenit. Kështu, udhëtarët në parim janë të lirë të kalojnë kufijtë e brendshëm të shteteve që janë pjesë e Marrëveshjes Shengen, thonë kundërshtarët e këtij mocioni.