Zvicra, 1 miliard franga fitim nga organizatat sportive

Gjatë vitit 2013 në organizatat sportive kanë qenë të punësuar rreth 2150 persona, prej të cilëve 1300 vetëm në Kantonin Vaud

Organizatat e mëdha të sportit ndërkombëtar që e kanë selinë në Zvicër, i sjellin shtetit helvetik një miliard dollarë në vit. Këtë përfundim e ka nxjerrë një studim i  realizuar me sponsorim të Komitetit Olimpik të Zvicrës, IOC (Komiteti Olimpik Ndërkombëtar) dhe autoriteteve të kantonit Vaud, ku janë selitë e disa organizatave sportive ndërkombëtare.

Për këtë studim janë trajtuar 45 organizata sportive, 36 prej të cilave në Kantonin Vaud. Këtu bëjnë pjesë edhe d më të njohurat dhe më të fuqishmet: IOC, UEFA dhe FIFA.

Shumica e mjeteve, gjegjësisht 550 milionë franga derdhen në kantonin Vaud për faktin se këtu është selia IOC (në qytetin e Lozanës) dhe e UEFA-s (në Non), shkruan News.ch. Ndërsa vetëm në qarkun e Lozanës derdhen 250 milionë franga nga ky burim.

Sipas studimit, në Zvicër gjatë vitit 2013 në organizatat sportive kanë qenë të punësuar rreth 2150 persona, prej të cilëve 1300 vetëm në Kantonin Vaud, transmeton albinfo.ch. Të ardhurat, kontributet sociale dhe tatimet e të punësuarve që janë derdhur në periudhën 2008 – 2013 kanë qenë mesatarisht 313 milionë franga.

Studimi është publikuar një ditë para fillimit të solemniteteve me rastin e 100 vjetorit të krijimit të Komitetit Olimpik Ndërkombëtar.