Zvicra, 19 milionë franga për çminim

Edhe Kosova ka përfituar nga ndihma zviceane për çminim

Gjatë vitit të kaluar Zvicra ka ndarë 19. 1 milionë franga për të ndihmuar çminimin  në disa vende të botës. Këto ndihma koordinohen nga d departamente, gjegjësisht ai i punëve të jashtme dhe departamenti i mbrojtjes. Autoritetet kompetente e konsiderojnë këtë si një kontribut afatgjatë në favor të paqes dhe sigurisë në botë.

Ndër vendet e mbështetura në këtë fushë është edhe Kosova, në të cilën sa vite pas lufte ka edhe më tutje mina që pritet të çmontohen. Ndërkaq Filipinet janë mbështetur pasi që nga stuhia e fuqishme “Hayan” që ka goditur këtë vend vitin e kaluar është përmbytur një depo armësh dhe municioni, bëjnë të ditur departamentet e përmendura federale dhe transmeton albinfo.ch.

Ndër vendet tjera ku Zvicra ka ofruar ndihmën e saj për çminim janë dhe Bosnja, Kamboxha dhe vende të bririt afrikan.