Zvicra ka shumë nevojë për personel mjekësor nga jashtë

Pa prurje nga jashtë (migracion) nevojat për personel shëndetësor në Zvicër nuk mund të mbulohen kurrë, thotë organizata H+

Shëndetësia e Zvicrës ka nevojë për më tepër personel mjekësor se sa që mund të “prodhojë” aktualisht. Një konstatim të tillë e ka bërë organizata që përfaqëson spitalet e Zvicrës H+. Sipas saj, edhe pse në Zvicër jetojnë 1.1 milion persona të moshave në mes 15 dhe 64 vjeçare që nuk ushtrojnë ndonjë profesion.

H+ më tutje thotë se nga ky numër i të papunëve nuk mund të nxirren më shumë se 3000 persona që mund të punojnë në spitale, klinika dhe shtëpi të pleqve.

Për këtë arse, pa prurje nga jashtë (migracion) nevojat për personel shëndetësor në Zvicër nuk mund të mbulohen kurrë, vazhdon organizata H+.  Ajo kërkon po ashtu që edhe potenciali i brendshëm që është në dispozicion të shfrytëzohet më shumë e më mirë.