Zvicra, me punëtorët më profesionalë në botë

Punëtorët në Zvicër janë të trajnuar më së miri në botë. Kështu vjen në një përfundim një studim nga Forumi Ekonomik Botëror (WEF) me temën e kapitalit njerëzor.
Në përgjithësi, Zvicra sipas të ashtuquajturit “Human Capital Index”, u rendit e treta.

Në këtë hulumtim është përfunduar se autoritetet duhet të inkurajojnë dhe të ndihmojnë ata të kuptojnë potencialin e tyre të plotë. Më së miri nga të gjitha 124 vendet e anketuara është Finlanda, njoftoi të mërkurën WEF.

Pastaj vjen Norvegjia e Zvicra. Në raportin “Human Capital Index” dy vjet më parë Zvicra kishte fituar vendin e parë, e ndjekur nga Finlanda dhe Singapori.

Zvicra njihet me një cilësi shumë të lartë të arsimimit dhe formimit profesional, tha WEF.

Në një pikë, megjithatë, Zvicra nuk qëdnron mirë për shkak se papunësia në mesin e njerëzve të moshuar të moshës në mes 55 dhe 64 vjeç është relativisht e lartë.

Në këtë renditje Zvicra në lidhje me papunësinë në këtë grupmoshë figuron në vendin e 41-të.