Arrestohet Jeton G., i dyshuar për vrasjen e malazezit

Shqiptari nga Kosova Jeton G. kishte qenë i dyshuari kryesor për vrasjen që ka  ndodhur të dielën e kaluar në Afoltern të Cyrihut. Natën në mes të të premtes dhe të shtunës policia ka arrestuar atë në një lokalitet në qarkun e Dielsdorf-it, Cyrih.

Siç është raportuar gjerësisht nga mediet, viktima e të dielës së kaluar ka qenë një person me etni malazeze (Boris), i cili punonte si truproje në një diskotekë dhe ishte i njohur për probleme me policinë.

Për arrestimin e shqiptarit, kishin ndihmuar shpalljet e publikuara në medie, në bazë të cilave policisë i kishin shkuar shumë informacione mbi vendndodhjen e të dyshuarit për vrasje.

Para tij, të enjten ishte kapur edhe i dyshuari tjetër, një shtetas rus.

Sipas informatave të përhapura në medie, J.G. kishte kërcënuar me vrasje malazezin përmes facebook-ut pe¨r shkak të një konflikti që e kishin prej kohësh, si pjesëtarë të dy bandave të ndryshme, në skenën e jetës së natës në Cyrih.