Azilkërkuesit bllokojnë kishën në Lozanë

Bëhet fjalë për gjashtë refugjatë nga Eritrea dhe Etiopia, pesë meshkuj dhe një femër, të cilët i drejtohen kishës me lutje që t`i mbrojë nga rreziku për dëbim

Keystone

Një numër azilkërkuesish me status të refuzuar kanë bllokuar nga mëngjesi i të dielës  kishën St-Laurent në qendër të qytetit të Lozanës. Bëhet fjalë për gjashtë refugjatë nga Eritrea dhe Etiopia, pesë meshkuj dhe një femër, të cilët i drejtohen kishës me lutje që t`i mbrojë nga rreziku për dëbim, ngase kanë marrë vendim negativ të azilit dhe ka disa muaj të jetojnë në ilegalitet.

Këta azilkërkues janë të mbështetur nga aktivistët e organizatës “collectif R”. Por, siç ka thënë një zëdhënës i kësaj organizate, ata ende nuk kanë vënë kontakt me famullinë e kishës. Shqetësim i tyre është se ka një kohë të gjatë, më shumë se një vit, që po përpiqen të gjejnë një vend për strehimin azilkërkuesve në fjalë.

“collectif R” kërkon nga autoritetet për migracion që të ndërpresin dëbimin e refugjatëve në Itali. “Ne duhet t`i japim fund dëbimit të personave të traumatizuar ose të sëmurë, grave dhe fëmijëve dhe trajtimit të tyre si mbeturina”.