Swisspass, në vend të abonomentit GA

Që nga gushti 2015 Swisspass do të zëvendësojë abonomentin e përgjithshëm GA dhe atë me gjysmë çmimi.

Me kartelë të re do të pajisen të gjithë ata që nga 1 gushti 2015 kanë aplikuar një abonoment të përgjithshëm GA dhe atë me gjysmë çmimi. Nëse ju tashmë keni një kartë të kaltër GA, mund ta mbani derisa ajo ka nevojë për zëvendësim. Nëse GA është valide, atëherë udhëtari duhet ta mbajë deri në prill 2016. Udhëtari më pas duhet të pajiset me Swisspass.

Në të ardhmen abonomenti i përgjithshëm GA dhe ai me gjysmë çmimi rinovohet automatikisht pas një viti, përveç nëse ajo është ndërprerë në kohën e caktuar.

Përveç abonomentit, për tren dhe autobus janë përfshirë edhe kartelat e lëvizshmërisë „Carsharing”. Sipas SBB është e mundshme që Swisspass mund të përdoret si një biletë për ndeshje futbolli, pishinë ose në një muze.

Për udhëtarët do të ketë më pak punë. Ata duhet të rinovojnë abonimin përkatës pas njoftimit automatik nga kartela.

Prapa kartelave qëndrojnë Shoqata e Transportit Publik (VöV) dhe SBB.